Skip to content
10 ខែ​មីនា 2013 / ស្នាមញញឹម

ការវិវត្តន៍របស់វ័យ

ម្សិលមិញនេះ ដោយសារតែអានឯកសារទៅកាន់តែព្រិលភ្នែកខ្លាំងឡើងៗ ខ្ញុំសម្រេចចិត្តទៅវាស់វ៉ែនតាម្តងទៀត ព្រោះធ្លាប់ត្រូវបានអ្នកធ្វើការជាមួយឱ្យសាកពាក់វ៉ែនតាគាត់ម្តងមកផង ខ្ញុំក៏គិតថាខ្ញុំឡើងដឺក្រេភ្នែកទៀតហើយ ទៅដល់ហាងលក់វ៉ែនតា គេក៏យកម៉ាស៊ីនមកវាស់ ភ្នែករបស់ខ្ញុំម្ញូប ២៥០ ដឺក្រេ បូក ។ ចប់ ។

ពេលនេះ មានអារម្មណ៍ហត់នឿយជាមួយនឹងជីវិតណាស់ ព្រោះត្រូវប្រឹងប្រែងរហូត។ កាលពីនៅមានកម្លាំងពេញ លេញ មិនសូវមានបទពិសោធន៍ការងារ មិនសូវបានធ្វើការជាប្រយោជន៍ច្រើនទេ ដល់ពេលមានបទពិសោធន៍ ច្រើនចង់ប្រើជាប្រយោជន៍ដើម្បីជីវិតខ្លួនឯង និងគ្រួសារខ្លះ ដើម្បីសង្គមខ្លះ តែរកពេលធ្វើមិនបានសោះ ។

គោលបំណងរបស់ខ្ញុំ ចង់ធ្វើការងារទាក់ទងនឹងការស្តារឡើងវិញនូវគម្របព្រៃឈើ ការបង្កើនទិន្នផល និងជីវភាព តាមរយៈការប្រើប្រាស់ប្រព័ន្ធធារាសាស្រ្ត និងបើសិនអាច ធ្វើការងារដែលបង្កើនការប្រើប្រាស់ថាមពលកកើត ឡើងវិញជាជាងប្រើថាមពលប្រេងឥន្ធនៈ ។

គោលបំណងធំមួយទៀត គឺសម្តែងការដឹងគុណដល់អ្នករើសអេតចាយ ដែលបានរក្សាបានខ្លះនូវបរិស្ថានសម ស្របសម្រាប់បម្រើមនុស្សទូទៅ រាប់ទាំងខ្ញុំផង ដោយរកវិធីនានាសម្រាប់គាំទ្រដល់ការងារនិងជីវភាពរបស់ពួក គេ។

មិនដឹងកាលណាបានមានឱកាសធ្វើកិច្ចការដែលខ្លួនចង់ធ្វើនេះបានសម្រេចទេ បើរវល់តែនឹងរឿងពាក់វ៉ែនតា ភ្លេចវ៉ែនតា ហើយនឹងមិនទាន់ទម្លាប់ជាមួយវ៉ែនតា ដើរចុះដើរឡើងចង់ងងឹតមុខ។

Advertisements
  1. Heng-dee / មីនា 10 2013 7:43 ល្ងាច

    មានគំនិតល្អច្រើនមែនបងកល្យាណ

    • លី កល្យាណ / មីនា 10 2013 9:39 ល្ងាច

      😦 បានត្រឹមតែគិត គ្មានបានធ្វើអ្វីជាប្រយោជន៍ បុរាណលោកទុកដូចពោលពាក្យឡេះឡោះឥតបានការ។

    • Heng-dee / មីនា 10 2013 9:41 ល្ងាច

      យ៉ាងណាកមានចិត្តដែរបង

  2. ស្រុកស្រែ / មីនា 11 2013 2:20 ល្ងាច

    មានទស្សនៈ និង​ចក្ខុវិស័យ​ល្អ… សុំសរសើរ… 😀
    ឯ​ខ្ញុំ​វិញ… ឡេះឡោះៗ… មិន​ដឹង​ជា​បាន​ធ្វើ​ស្អី​ដែល​ជា​ប្រយោជន៍​ដល់​សង្គម និង​មនុស្ស​ជំនាន់​ក្រោយ​នៅ​ឡើយ​ផង​ទេ… គិតៗទៅ តូចចិត្តណាស់… មានតែល្ងាច​ទៅ​រក​កន្លែង​ផឹក​ ដើម្បី​បំបាត់​ទុក្ខ​កង្វល់ហើយ​មើល​ទៅ..!!.. 😀 😀 ​

    • លី កល្យាណ / មីនា 11 2013 8:55 ល្ងាច

      បើសិនលោកពូស្រុកស្រែជាទីស្នេហារបស់ តាម៉ាប់ និង ខ្ញុំ មានប្រសាសន៍បែបនេះ ខ្ញុំវិញមិនដឹងជាចាត់ទុកនៅក្នុងកន្លៀតម្តុំណាទេ

      អ្វីដែលពូកំពុងធ្វើសព្វថ្ងៃនេះ inspiring me sooooo muchhhh

    • លី កល្យាណ / មីនា 17 2013 5:09 ល្ងាច

      ប៉ិន… ពូៗ ទៅបំបាត់ទុក្ខកង្វល់នៅកន្លែងណា? ខ្ញុំទៅដែរ!

  3. somada / មីនា 19 2013 11:15 ព្រឹក

    ពូស្រុកស្រែគាត់មិនប្រាប់ទេ ខ្លាចកល្យាណទៅចាំមុន

    • លី កល្យាណ / មីនា 19 2013 2:00 ល្ងាច

      ពូស្រុកស្រែគាត់ខ្លាចខ្ញុំទៅចាំមុនមែនហើយ ព្រោះថាខ្ញុំនេះមិនចេះខូចទេ តែបើដឹងកន្លែងខូចនៅឯណាទៅចាំមុនមួយម៉ោងឯណោះ(???)

      ជម្រាបប្រសាសន៍ម្ចាស់បង រួចត្រឡប់មកភូមិវើតប្រេសវិញហើយឬ? មានដឹងទេថាខ្ញុំនឹក?

  4. somada / មីនា 20 2013 7:29 ព្រឹក

    ឆ្លៀត​មកទេ ។ អត់ដឹង​ថាមានអ្នកនឹកអីនោះទេ បើដឹង​ប្រហែលជាឈ្លក់ទឹកមាត់ញ៉ាំអីមិន​បានផង​មើលទៅ

    • លី កល្យាណ / មីនា 20 2013 2:53 ល្ងាច

      ង៉ាសៗៗ ង៉ៃនេះហៅទៅរកបងក៏នៅតែមិនចូល ពីរបីង៉ៃហើយណា៎ ។

      ញ៉ាំមិនបានប្រហែលជានឹងស្រកគីឡូក្រាមខ្លះ

    • somada / មីនា 22 2013 7:57 ព្រឹក

      អាលេខ០៨៨ហ្នឹង​បង​គាត់យក​ទៅ​បាត់​ហើយ នៅប្រើ​អា០១២ លេខចាស់ដដែលទេ ។

    • លី កល្យាណ / មីនា 22 2013 8:01 ព្រឹក

      យ៉ូយ ជាងពួកក្មេងៗសម័យអាឡូវទៀតលោក ដូរលេខទូរស័ព្ទឡាហូតម៉ង

    • somada / មីនា 22 2013 8:02 ល្ងាច

      អត់មានដូរទេអា១២ហ្នឹងប្រើជាងដប់ឆ្នាំហើយ តែបើលេខក្រៅពីនោះ យកចូលថៃទម្រាំតែដល់ថ្ងៃចេញមកវិញ វាក៏ហួសដឺឡេប្រើលែងកើត​ ហើយ​ក៏ទិញថ្មីតែហ្មងទៅ ។

  5. ហែម​ សុខជា / មីនា 21 2013 11:11 ព្រឹក

    ម្ញុបប្រហែលខ្ញុំ​ដែរ​ ពាក់​ទៅ​ការពារភ្នែក​កុំ​អោយ​ឡើង​លឿន។

    • លី កល្យាណ / មីនា 21 2013 4:27 ល្ងាច

      😀 ចាស អរគុណបង។ បាត់មុខបាត់មាត់យូរហើយបង 😀

    • ហែម​ សុខជា / មីនា 22 2013 1:28 ល្ងាច

      បាទ តាំងពីដូរផ្នែកមករវល់​ច្រើន​ជាង​មុន​ណាស់​ អត់​សូវ​បាន​សរសេរ​អី​នឹង​គេ បាន​តែ​អាន​ប៉ុណ្ណោះ។

    • លី កល្យាណ / មីនា 22 2013 5:15 ល្ងាច

      បន់ឱ្យតែបានដូរដំណែង នឹងបានប្រាក់ខែកាន់តែច្រើនជាងមុន។ សូមជួយត្រេកអរផងបង។

    • ហែម​ សុខជា / មេសា 10 2013 4:20 ល្ងាច

      សូមទោស​ ការ​ឆ្លើយ​តប​ដូច​ទ្រង់​យឺត​បន្តិច​
      សង្ឃឹម​ថា​បាន​ឡើង​មែន​ចុះ​ ធ្វើ​២​ឆ្នាំហើយ​អត់​ទាន់​បាន​ឡើង​១រៀល

    • លី កល្យាណ / មេសា 10 2013 8:01 ល្ងាច

      នឹងឡើងនាពេលឆាប់ៗនេះ ។ 😀

    • ហែម​ សុខជា / មេសា 11 2013 10:16 ព្រឹក

      សាធុ

    • លី កល្យាណ / មេសា 11 2013 10:19 ព្រឹក

      😀 មេត្តាកុំភ្លេច ប្រាប់ ហើយ និង អញ្ជើញទៅផាតធីផងបើសិនជាមាន

    • ហែម​ សុខជា / មេសា 11 2013 10:28 ព្រឹក

      បើតាម​ខ្ញុំដឹង ប្រហែល​ជា​ត្រូវ​ចាំ​ ១ខែ ឬ ២ខែ​ទៀត​បាន​ដឹង

    • លី កល្យាណ / មេសា 11 2013 10:29 ព្រឹក

      ឱ្យតែរឿងផាតធី យូរយ៉ាងណាក៏ចាំ ព្រោះហ្រ្វី

    • ហែម​ សុខជា / មេសា 11 2013 11:07 ព្រឹក

      ឆ្នាំនេះ​អត់​បាន​ទៅ​ណាទេ ព្រោះ​មាន​កូន​ខ្ចី ប្រហែលជា​ត្រូវ​នៅ ផ្ទះ​ហើយ​មើល​ទៅ

    • លី កល្យាណ / មេសា 11 2013 11:25 ព្រឹក

      😀 ខ្ញុំក៏អត់ទៅណាដែរ គិតតែពីការងារមិនទាន់រួចរាល់ផង មិនដឹងស្មើណាធ្វើការហើយទេ។
      បានកូនស្រីឬប្រុសបង?

    • ហែម​ សុខជា / មេសា 11 2013 11:29 ព្រឹក

      កូនស្រី ឥឡូវ​បាន​៣ខែហើយ

    • លី កល្យាណ / មេសា 11 2013 11:46 ព្រឹក

      អូ ជិតចេះក្រឡាប់ហើយចឹង។

      ជូនពរឆ្នាំថ្មី សូមបងនិងក្រុមគ្រួសារព្រមទាំងព្រះនាងតូចរបស់បងជួប ប្រទះតែសេខក្តីសុខ សេចក្តីចម្រើនគ្រប់ប្រការ។

    • ហែម​ សុខជា / មេសា 11 2013 11:47 ព្រឹក

      សាធុ (ម្តងទៀត)
      សូមអោយ​បាន​ដូចគ្នា

    • ហែម​ សុខជា / មេសា 11 2013 10:45 ព្រឹក

      ហ្រីផាតធី? នៅ​ឯណា​មាន?
      នៅផ្ទះខ្ញុំ​ក្នុង​ឳកាស​ចូល​ឆ្នាំ
      និយាយចឹង ចូលឆ្នាំ កល្យាណទៅណាដែរ?

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: