អំពីយើង
Webpage នេះបង្កើតឡើងក្នុងគោលបំណងចែករំលែកចំណេះដឹង និងការកំសាន្ត ព្រមទាំងបទពិសោធន៍ក្នុងគោលដៅធ្វើយ៉ាងណាឲ្យទំនាក់ទំនងល្អនៅតែបន្តពីមួយជំនាន់ទៅមួយជំនាន់ទៀត។
យើងទាំងពីរនាក់ គឺ លោកស្រី ឡេង ច័ន្ទមុនី និង ខ្ញុំ បានផ្តើមគំនិតចង់ឲ្យបទពិសោធន៍ក្នុងជីវិតរបស់យើងបានជាប្រយោជន៍ដល់មនុស្សរួមលោកនៃយើង ជាពិសេសកូនខ្មែរ ដែលភាគច្រើនយើងឃើញថាពួកគេជក់វក់នឹងសម័យនិយមជ្រុលហួសពេក ដូច្នេះក៏ នាំគ្នាគិតថាសម័យនេះគេប្រើ Internet យើងក៏យកឱកាសនេះដើម្បីផ្សព្វផ្សាយឲ្យកាន់តែទូលាយជាងលទ្ធភាពកំពុងមានសព្វថ្ងៃដែលដាស់តឿនក្រើនរំលឹកតាមរយៈផ្ទាល់មាត់។
ការជ្រើសរើសឈ្មោះ Webpage នេះគឺយកតាមការពេញចិត្តរបស់ខ្ញុំដែលធ្លាប់ឃើញស្នាមញញឹមបានព្យាបាលផ្លូវចិត្តរបស់មនុស្សជាច្រើនរួមទាំងខ្ញុំផងដែរ។ ណាមួយខ្ញុំគិតថាបើយកឈ្មោះ ព្រះច័ន្ទ ដូចជាធំធេងពេក។ ស្នាមញញឹម នរណាក៏អាចធ្វើបាននរណាក៏អាចឃើញ បើចង់ឲ្យមនុស្សដែលអ្នកស្រឡាញ់សប្បាយចិត្តសាកញញឹមមួយមើល៎គេមុខជាសើចញឹមៗមិនខាន។ បើអ្នកញញឹមទៅរកគេ គេនឹងញញឹមមករកអ្នកវិញ ជួនកាលស្នាមញញឹមរបស់នរណាម្នាក់អាចធ្វើឲ្យអ្នកគេងនឹកស្រមៃមិនងាយភ្លេចរួចថែមទាំងលួចញញឹមម្នាក់ឯងផងមិនដឹង។
សូមឲ្យស្នាមញញឹមរបស់អ្នកជាមហោសថដែលញ៉ាំងសេចក្តីឈឺចាប់ឲ្យស្រាកស្រាន្តបាន និងសូមឲ្យស្នាមញញឹមនេះកើតមាននៅគ្រប់ទិសទីដើម្បីសន្តិភាព។
ឡេង ច័ន្ទមុនី និង ស្នាមញញឹម
ស្នាមញញឹម 
ជំរាបសួរ បងស្រី ម្ចាស់ប្លុក ជាទីគោរព
ប្អូន សូមថ្លែងអំណរគុណ ដែលបានឈាងចូលទៅលេង ប្លុក របស់ប្អូន ថែមទាំងបានទស្សនា និង ពេញចិត្ដ ប្លុកមួយចំនួន របស់ប្អូន ។
ប្អូន មានសេចក្ដីរីករាយ រំភើប ណាស់ ដែលទទួលបាន ការផ្ដល់កិត្ដិយស ពី
សំណាស់ បងស្រី ចូលរួម ។ ប្លុក របស់ ប្អូន ពុំមានអ្វី សំខាន់ប៉ុន្មាននោះទេ !
មានត្រឹមតែ អត្ថបទ ខ្លះៗ គ្រាន់ទុកចំលែក គ្នា អាន កំសាន្ដ តែប៉ុណ្ណោះ!
តែយ៉ាងណា ក៏សូមអរគុណបងស្រី សារជាថ្មី ដែលបានចំណាយពេលវេលា មានតំលៃ ចូលលេង ប្លុក របស់ ប្អូន !!
សូមឲ្យបង ទទួលបានសុខភាពល្អ
ដោយសេចក្ដីគោរព រាប់អាន ពីប្អូន ពិសិដ្ឋ ..
…
សួរស្តីបាទ!! រីករាយដែលបានស្គាល់!! 😀
សួស្តីម្ចាស់ផ្ទះរីករាយណាស់ដែលបានស្គាល់ ! សុំទឹក១កែវបានទេ ?
ជម្រាបសួរបង។
ចាសរីករាយណាស់ដែលបានអញ្ជើញមកលេង។
អញ្ជើញពិសាទឹកតែ ផ្ទះខ្ញុំគ្មានអីទទួលសមរម្យទេ។
ម្សិលម៉ិញទៅលេងផ្ទះបងមានអីច្រើនណាស់ដែលខ្ញុំអាចស្វែងយល់ពីជីវិតនៅស្រុកថៃ។
នៅឯណោះសុខជានាទេ?
សុខសប្បាយ អរគុណដែលមានទឹកតែទទួល កំពុងតែរងាផង ។
មានទឹកតែឆុងដាក់ប៉ាន់ក្នុងសម្បកដូង ងំបានយូរគ្រាន់បើដែរ។ អញ្ជើញតាមសប្បាយតែកុំភ្លេចផ្លុំផង។ 🙂
នៅខាងណោះរងា តែខាងខ្ញុំវិញដូចជាចូលក្តៅតិចៗហើយ ភ្នំពេញក្តៅជាងតាមខេត្តទៀត។
ទើបតែរងាម្សិលមិញ រងាប្លែកតែម្តងមេឃគ្មានពន្លឺសោះ ថ្ងៃនេះនៅតែរងាតែមិនដូចម្សិលមិញទេ ព្រោះមានកំដៅថ្ងៃ ។
រីករាយបានស្គាល់ តែម្តេចក៍អត់មានដាក់ប្រវត្តិរូបអោយបានក្បោះក្បាយបន្តិចចឹង ។
ចាសរីករាយដូចគ្នា។ ចាំខ្ញុំដាក់ថែម។ អរគុណណាស់ដែលបានមកលេង។
សួស្តីបង!
ជម្រាបសួរ។
សុំទោសផងទៅលេងផ្ទះប្អូនអត់បានណែនាំខ្លួន គួរសម។
សុខសប្បាយជានាទេប្អូន?
ទើបតែមកពីស្រែ, កំពុងតែហត់, សុំស្នាមញញឹមមួយដាក់លើមុខតិចម៉ោ! ហេសហេសហេស ស្វាគមន៍ ស្វាខឹង មកកាន់គ្រួសារដ៏តូច តែមនុស្សច្រើនមួយនេះ!
ជម្រាបសួរលោកក្មេងស្រែ សូមស្វាគមន៍ដែលបានមកលេង។
អញ្ជើញពិសាទឹកតែសិនទៅចាំបាត់ហត់ចាំពិសាបាយ។ ខ្ញុំរៀបចំទៅផ្សារហើយ។
សុខធម្មតាទេបង អរគុណ! រីករាយណាស់ដែលបានស្គាល់ទោះមិនបានឃើញមុខក៏ដោយ!!
គួរឱ្យរាប់អានណាស់… រីករាយដែលបានមករស់នៅក្នុងភូមិ វដប្រេស ខេមរភាសា…
ជម្រាបសួរលោកមេឃា។ អរគុណដែលលោករាប់អានខ្ញុំជាអ្នកចំណូលភូមិថ្មី។
ចាំមកពីផ្សារវិញធ្វើម្ហូបឱ្យច្រើនដើរចែកជូនបងប្អូនអ្នកភូមិជាការណែនាំខ្លួន។
ខ្ញុំសុំទោសអ្នកទាំងអស់គ្នាព្រោះដោយសារខ្ញុំ ជនមិនសូវចេះកុំព្យូទ័រ (មិនមានពាក្យអនក្ខរជនទេ) ជួនកាលចង់ឆ្លើយជាមួយភ្ញៀវដែលមកលេងផ្ទះ ទៅចូលឯផ្ទះគេរួចនិយាយឆ្លងឆ្លើយទៅ។
ឥឡូវទើបដឹងតិចៗ តែយ៉ាងណាក៏សុំទោសទុកជាមុនឱ្យហើយដែរក្រែងទៅថ្ងៃមុខមានអ្វីខុសទាស់សូមអធ្យាស្រ័យ។
សួស្ដីបងៗទាំងពីរ! ^^ សុំទោសដែលមកក្រោយគេបន្តិច.. អ៊ូអរដល់ហើយ! នៅនិយាយគ្នាលេងទៅ ញ៉ុមសុំទៅឡើងដើមស្វាយសិនណា៎! ឃើញហើយទ្រាំមិនបានទេ! 😉
អរគុណរចនាដែលបានចូលមកលេង។
ប្រយ័ត្នប្រយែងផងព្រោះមែកស្វាយក៏ស្រួយដែរ។
បងចិញ្ច្រាំព្រហ៊ក់ជាមួយស្ករត្នោតនិងម្ទេសចាំណ៎ា!
ម៉ោហើយៗ ស្វាយខ្ចីទឹកត្រីស្ករមកដល់ហើយ! ^^
គ្រាន់តែឮស្រក់ទឹកមាត់ចាំ។
សុំស្នាមញញឹមមួយដែរ!
ហើយក៏សុំស្វាយញ៉ាំដែរ!
ជម្រាបសួរ ផ្កាយដុះកន្ទុយ (មិនដឹងថាហៅបងឬប្ងូនទេ សូមកុំប្រកាន់ខ្ញុំបើខ្ញុំសុំហៅឈ្មោះ) ។
មិនចិត្តកំណាញ់ស្នាមញញឹមទេ ខ្លាចតែអ្នកមើលភ័យ:-)
កំពុងតែស្រក់ទឹកមាត់ចាំស្វាយទឹកត្រីស្កររបស់រចនា ម៉ោៗ បានគ្នាច្រើនកាន់តែឆ្ងាញ់…
អរគុណណាស់ដែលបានអញ្ជើញមកលេង។ ជូនពរសូមសុខសប្បាយទាំងក្រុមគ្រួសារ។
នៅប្លុកខេមរភាសានេះ អ្នកដែលញញឹមស្រស់ជាងគេ គ្មាននរណា ក្រៅពី មេឃា ទេ… ញញឹមចេញពី បេះដូង… តែបើ មេឃា ធ្វើមុខក្រញ៉ូវ ឬខឹងវិញ សូម្បីតែ ឆ្កែក៏មិនហ៊ានដើរក្បែរ ឬសម្លឹងមុខ មេឃា ដែរ… ហាសហា…
ជាការពិតហើយ… ញញឹមច្រើន នាំសំណាងល្អ ហើយមិនសូវឈឺ… វាជា បច្ចេកទេស ដែលខ្ញុំរៀនដោយខ្លួនឯង… ទោះបីក្នុងកាលៈទេសៈបែបណា ក៏ មេឃា នៅតែញញឹមបាន…
ហាសហា ចឹងអ្នកនៅ វ៉ឺតប្រេស ត្រូវតែចេះលួងលោមបងកុំឱ្យខឹង មិនចឹងទេ…
សូមឱ្យស្នាមញញឹមរបស់បង ជាស្នាមញញឹមដែលស្រស់ស្អាតនិងរីករាយក្នុងបេះដូងជានិច្ច។
ប្រើពាក្យសុទ្ធតែ យើង ដូចស្តេចក្នុងល្ខោនបាសាក់ចឹង! ហេហេ!
មិនមែនចឹងទេ កំឡោះខ្មែរ ព្រោះពួកខ្ញុំមានគ្នាពីរនាក់ តែឥឡូវអ៊ំមុនីគាត់ឈឺភ្នែកគាត់មិនសូវបានសរសេរប្រកាសទៀត។
តែ…ស្តេចល្ខោនបាសាក់ក៏ដោយឱ្យតែបានឡើងឆាកគេមិនប្រកាន់នឹងយើងនិយាយពាក្យនេះក៏សុខចិត្តធ្វើដែរ…
អរគុណបងៗណាស់ដែលបានឆ្លៀតចូលមកលេង។
រីករាយដែលបានមកលេងផ្ទះបងស្រី! ផ្ទះបងពិតជាស្អាតមែន។
ជម្រាបសួរ
អរគុណលោកប្អូនណាស់។
សូមសុខសួស្តីកើតមានចំពោះលោកប្អូន។
ជម្រាបសួរបង!
ជម្រាបសួរលោកប្អូន។
អរគុណណាស់ដែលបានចូលមកលេង។
សូមសុខសប្បាយតាមផ្លូវទៅវិញណា៎ !
រីករាយដែលបានស្គាល់ណាបង!
ចាស រីករាយណាស់ដែលបានរាប់អានខ្ញុំ។
អរគុណណាស់ដែលបានមកលេង។ សូមសុខសប្បាយណា៎!
សួស្ដីលោកអ្នកម្ចាស់ផ្ទះ!!
ខ្ញុំចូលចិត្ដញញឹម តែមិនចូលចិត្ដស្នាមញញឹម ។ ញញឹមហើយកុំបាច់មានស្នាមទេ ព្រោះជ្រីវជ្រួញអាក្រក់មើលណាស់ សមនិងពេលនេះអាយុកាលចេះតែសន្សឹមៗទៅហើយ (និយាយលេងទេ) ។
ខ្លឹមសារកថាមុខដែល ឡេង ចន្ទមុនី និង លី កល្យាណ បានស្ដែងឡើងនាទីនេះ ពេញចិត្ដខ្ញុំណាស់។ សូមឲ្យវត្ថុបំណងរបស់អ្នកទាំងពីរទទួលបានលទ្ធផលល្អ ។
ជម្រាបសួរលោក។
ខ្ញុំសុំអភ័យទោសដោយមិនបានតបមតិលោកក្នុង អត្ថបទរបស់ខ្ញុំព្រោះនឹកថាចាំទំនេរបន្តិចសរសេរឱ្យណាណីតបទៅវិញ។ ខ្ញុំសុំទោស។
ខ្ញុំអរគុណណាស់ដែលបានអញ្ជើញចូលរួមមតិជាមួយ តែដូចលោកឃើញស្រាប់ថា គោលបំណងរបស់ពួកខ្ញុំនៅមិនទាន់បានដើរទៅមុខទេ ព្រោះខ្ញុំនេះមិនបានធ្វើអ្វីជាប្រយោជន៍នៅឡើយ (មានតែរឿងឆ្កួតៗ) ដាក់ជូនមើលកំសាន្តចិត្ត។
ពាក្យស្នាមញញឹមនេះ ខ្ញុំចង់សំដៅដល់ការស្រមៃឃើញអ្នកដទៃញញឹម។
សាធុៗ សាធុ។ សូមអរគុណនិងជូនពរលោកសូមជួបតែសុខ ចម្រើន។
ជំរាបសួរម្ចាស់ផ្ទះដ៏ស្រស់ប្រិមប្រិយទាំង២នាក់ ថ្ងៃមុនទៅលេងផ្ទះផ្កាយ តែមិនព្រមប្រាប់សោះថាផ្ទះនៅភូមិតែមួយ អញ្ចឹងហើយផ្កាយក៏ដាច់ចិត្តលួចតាមពីក្រោយមកដើម្បីស្គាល់ផ្ទះតែម្តងទៅ ប្រហែលមិនប្រកាន់ទេណ៎បងស្រី? មកនេះមានតែស្នាមញញឹមទុកជាការគោរពមកជូនម្ចាស់ផ្ទះទេ អត់មានអីជាបញ្ញើរទេណា៎ 🙂
សុំទោសផ្កាយសូគ៌ដែលមិនបានតបវិញទាន់ពេល។ អរគុណទៅវិញទេដែលបានមកលេង គ្រាន់តែបានឃើញផ្កាយញញឹមនោះក៏អរណាស់ទៅហើយចាំបាច់មានអីផ្ញើនោះ។ ខ្ញុំទៅក៏មិនដែលបានអីផ្ញើដែរ មានតែលួចរបស់មកវិញ (ព្រោះទៅចូលលេងអត់បានប្រាប់ម្ចាស់ផ្ទះ) 🙂
សូមសុខចម្រើនណា៎! ផ្កាយសួគ៌។
ជំរាបសួរម្ចាស់ផ្ទះ រីករាយដែលបានស្គាល់ គេហដ្ឋានដ៏ស្កឹមស្កៃមួយនេះ
ព្រោះបានទទួលនូវស្នាមញញឹមដ៏កក់ក្តៅនោះអី 😀
ជម្រាបសួរខ្មែរចំណាន អញ្ជើញអង្គុយលេងសិនទៅ ចាំខ្ញុំទៅដាំទឹកតែជូន!
រីករាយណាស់ដែលបានស្គាល់។ សុំទោសផងបើមានការគួរពុំគួរ ផ្ទះខ្ញុំអត់សូវមានអីចែកចាយដូចផ្ទះខ្មែរចំណានទេ។
សូស្តីបង ! ញ៉ុម ជាបេប៊ីប្លក់ មិនសូវចេះពីប្លក់ និង ការសរសេរទេ។សូមចូលលេងផ្ទះបងផងណា !
ស៊ីយូ again and again !
my e-mail : pobpata@yahoo.com
សួស្ដីបងៗ! ខ្ញុំឃើញឈ្មោះនេះ ខ្ញុំភ្ញាក់ព្រឺត ព្រោះនេះជា ឈ្មោះរបស់ក្រុមតន្ត្រីខ្ញុំមួយដែរ។ ហិហិហ!! គឺក្រុមតន្ត្រីស្នាមញញឹម។ ប៉ុន្តែទោះជាយ៉ាងណាក៏ដោយ រីករាយដែលបានស្គាល់បងៗ! ហើយ បើសិនជាបងៗទំនេរ បងក៏អាចចូលលេង កំណត់ហេតុខ្ញុំបានដែរ។ អរគុណ!
សួស្តីប្អូន។ រីករាយដែលបានស្គាល់ ទំនេរបន្តិចខ្ញុំមុខជាសុំទៅលេងលុកលុយមើលកំណត់ហេតុគេដែរហើយ។
😀
អរគុណបងស្រី ដែលបានឆ្លើយតប !
ញញឹម គឺជាភាសារទំនាក់ទំនង មួយរបស់ មនុស្សទូទៅ
មិនចាំរកអ្នកបកប្រែជួយឡើយ ក៏អាចយលអត្ថន័យ របស់មនុស្ស ដែលញញឹម
ចាស សូមញញឹមសម្រាប់ខ្លួនឯងនិងមនុស្សដែលស្រឡាញ់យើង ឱ្យបានច្រើនផងណា៎។
អរគុណណាស់ដែលបានចូលលេងប្លក់ខ្ញុំ។
ជំរាបសួរបង! សូមជួយផ្ដល់យោបល់ផង http://pooreman1.wordpress.com
អីយូយ ចឹងបានជាខ្ញុំវិលមុខ ហាហា វង្វេងវង្វាន់ក្នុងវាលវដ្តសង្សារ របស់ទំព័រស្នាមញញឹមនេះហើយនីស (មកពីម្ចាស់ប្លក់ញញឹមដាក់មិនចេះស្ងួតសោះ) ហាហាហា 😆
មានអំពីខ្ញុំមួយទៀត សូមវាយវាក្នុងកន្លែងស្វែងរកបានឃើញ ចាស។
យ៊ូយ បែកព្រីខ្ញុំហើយ ហេហេ
anak mean snamonhnhum da srasa saat . saum arkoun champoh kar chaul meul blok robsakhnhom . puokke ku pisesa khlang nasa . Meredith
អ្នកមានស្នាមញញឹមដ៏ស្រស់ស្អាត។ សូមអរគុណចំពោះការចូលមើលប្លុករបស់ខ្ញុំ។ ពួកគេគឺពិសេសខ្លាំងណាស់។
Thank you Meredith. You are a great writer and an artist. I like your post about various things happen around our lives.
Anyway, I know that you like travelling, if you are passing by Cambodia please let me know. It would be nice to meet you.
I would love to meet you. Your smile gives me good reason to travel. I hope I did not mess up my message. 🙂
No, no you didn’t mess it up. Thanks for your sweet words. Good reason to travel is not my smile though, money is. 😀